პენიტენციური სამსახური განცხადებას ავრცელებს

🔹 სპეციალური პენიტენციური სამსახური ეხმიანება მედიასაშუალებების მიერ გავრცელებულ ინფორმაციას, თითქოს მსჯავრდებულ გ.ჩ.-ს პაემნის უფლება შეეზღუდა.

სამსახურის განმარტებით, აღნიშნული ინფორმაცია არ შეესაბამება სიმართლეს.

📌 როგორც უწყებაში აცხადებენ, გ.ჩ.-მ სექტემბერში სრულად გამოიყენა კანონით განსაზღვრული ხანმოკლე პაემნის უფლება.

• ერთი პაემნით ისარგებლა 2025 წლის 1 სექტემბერს,
• ხოლო მეორე პაემანი, საკუთარი წერილობითი თხოვნის საფუძველზე, სატელეფონო ზარით ჩაანაცვლა — რაც გათვალისწინებულია პენიტენციური კოდექსის 119-ე მუხლით.

➡️ შესაბამისად, მას ახალი ხანმოკლე პაემნის უფლება ოქტომბრის თვიდან დაეკუთვნება.

📍 ამასთან, სამსახური განმარტავს, რომ მსჯავრდებულს წელიწადში 3 ხანგრძლივი პაემნის უფლება გააჩნია, თუმცა გ.ჩ. უარს აცხადებს ამ შესაძლებლობით სარგებლობაზე, რაც შესაბამისი დოკუმენტაციით დადასტურებულია.

🔹 რაც შეეხება პაემნების ჩატარების ფორმატს — მინის გამყოფი ბარიერის გამოყენება დაწესებულების შიდა რეგულაციით განსაზღვრული სტანდარტია, რომელიც ყველა მსჯავრდებულზე თანაბრად ვრცელდება.

📣 სპეციალური პენიტენციური სამსახური საზოგადოებას მოუწოდებს, თავი შეიკავოს დაუდასტურებელი ინფორმაციის გავრცელებისგან, რაც უწყების დისკრედიტაციას და საზოგადოების შეცდომაში შეყვანას იწვევს.