📍 მარნეულის მერობის კანდიდატი დაურ ისმაილოვი წინასაარჩევნო კამპანიის ფარგლებში სოფელ მამიშლოსა და საფარლოს ეწვია და ადგილობრივ მოსახლეობას შეხვდა.
🔹 როგორც ისმაილოვმა აღნიშნა, მოქალაქეებთან პირისპირ დიალოგს განსაკუთრებულ მნიშვნელობას ანიჭებს. შეხვედრების დროს მან მოისმინა სოფლის მოსახლეობის საჭიროებები, არსებული პრობლემები და მათი მოსაზრებები.
„ამ ფორმატში ურთიერთობა განსაკუთრებით მეხმარება, რომ მომავალ გეგმებზე გაცილებით ფოკუსირებული და მიზანმიმართული გადაწყვეტილებები მივიღო,“ – განაცხადა მერობის კანდიდატმა.
🔹 ისმაილოვმა მადლობა გადაუხადა სოფლის მცხოვრებლებს გულწრფელი საუბრებისა და აქტიური ჩართულობისთვის.
📌 მერობის კანდიდატი მსგავს შეხვედრებს აგრძელებს მუნიციპალიტეტის სხვადასხვა სოფელსა და თემში, მოსახლეობის საჭიროებებზე დაფუძნებული სამოქმედო გეგმების დასაგეგმად.
