მარნეულში, N4 საჯარო სკოლაში, მე-8 კლასის მოსწავლე თანაკლასელმა დანით დაჭრა
შემთხვევა სკოლაში, სასწავლო ტერიტორიის ფარგლებში მოხდა.
არსებული ინფორმაციით, დაშავებულს დაზიანებები თავისა და კისრის არეში აღენიშნებოდა. იგი საავადმყოფოში გადაიყვანეს, მდგომარეობა სტაბილურია, ნათქვამია ადგილობრივი მედიის, Marneulinews-ის მიერ.
შინაგან საქმეთა სამინისტროს ინფორმაციით, ფაქტზე გამოძიება სისხლის სამართლის კოდექსის 120-ე მუხლით მიმდინარეობს, რაც ჯანმრთელობის განზრახ მსუბუქი დაზიანების საქმეს ეხება.