მარნეულში შიდა გზების რეაბილიტაცია გრძელდება
მარნეულის მერის, დაურ ისმაილოვის ინიციატივით, მუნიციპალიტეტში შიდა გზების სარეაბილიტაციო სამუშაოები ეტაპობრივად მიმდინარეობს. უკვე შეკეთდა ორმოულები სოფელ ყიზილაჯლოში, ალგეთსა და ქალაქ მარნეულის 6 ქუჩაზე, ჯამში 5 კილომეტრამდე გზის მონაკვეთზე.
უსაფრთხოების მიზნით, გიორგი მაზნიაშვილისა და სულხან-საბა ორბელიანის ქუჩებზე მოეწყო სიჩქარის შემაკავებელი ბარიერები.
სამუშაოები აქტიურად გრძელდება და უახლოეს პერიოდში სამედ ვურღუნის ქუჩაზეც განხორციელდება გზის რეაბილიტაცია.