მარნეულში „აგროთანადაფინანსების სახელმწიფო პროგრამის“ პრეზენტაცია გაიმართა
1 ივლისს ამოქმედებული „აგროთანადაფინანსების სახელმწიფო პროგრამის“ პრეზენტაცია მარნეულში გაიმართა.
პროგრამას სოფლის განვითარების სააგენტო ახორციელებს. მისი მიზანია აგროსექტორში თანამედროვე, კლიმატურ პირობებთან ადაპტირებული ტექნოლოგიების დანერგვის ხელშეწყობა, წარმოების ზრდა და პროდუქციის ხარისხის გაუმჯობესება.
პროგრამაში მონაწილეობის მსურველებს განაცხადების წარდგენა ელექტრონულად შეუძლიათ სოფლის განვითარების სააგენტოს ოფიციალური ვებგვერდის მეშვეობით.