მარნეულმა სახალხო დღესასწაული „მარნეულობა 2026“ აღნიშნა

25 სექტემბერს, ქალაქ მარნეულში, ძეგლის „კიდევაც დაიზრდებიან“ მიმდებარე სკვერში, სახალხო დღესასწაული „მარნეულობა 2026“ აღინიშნა.

ღონისძიებას მარნეულის მუნიციპალიტეტის მერი დაურ ისმაილოვი, საქართველოს პარლამენტის წევრი ვიქტორ ჯაფარიძე, საქართველოს სახელმწიფო მინისტრის მოადგილე შოთა რეხვიაშვილი, ქვემო ქართლში სახელმწიფო რწმუნებული ილია ჯალაღანია, მარნეულისა და ჰუჯაბის ეპარქიის ეპისკოპოსი მეუფე გიორგი ჯამდელიანი, მარნეულის საკრებულოს თავმჯდომარე ამირან გიორგაძე, აზერბაიჯანის რესპუბლიკის ელჩი ფაიგ გულიევი და ადგილობრივი თვითმმართველობის წარმომადგენლები დაესწრნენ.

დღის განმავლობაში სპორტული აქტივობებიც ჩატარდა. სხვადასხვა სახეობაში გამარჯვებულ სპორტსმენებს მედლები, სიგელები და ფასიანი საჩუქრები გადაეცათ.

სადღესასწაულო კონცერტზე მაყურებლის წინაშე წარდგნენ შაბან მამედოვი, სოფო ბედია, მუსიკალური ჯგუფები „ქართული ხმები“ და „შავნაბადა“, DAMLA და DJ Sako.