ლიბიაში მუამარ კადაფის ვაჟიშვილი, სეიფ ალ-ისლამ კადაფი მოკლეს
ლიბიის ქალაქ ზინტანში ქვეყნის ყოფილი ლიდერის, მუამარ კადაფის ვაჟიშვილი – სეიფ ალ-ისლამ კადაფი მოკლეს. ინფორმაციას DW ავრცელებს.
მედიის ცნობით, სეიფ ალ-ისლამ კადაფი საკუთარ სახლში ცეცხლსასროლი იარაღით მოკლეს – მას რამდენჯერმე ესროლეს.
DW-ის ინფორმაციით, კადაფის შვილი საჯარო პოლიტიკაში დაბრუნებას გეგმავდა. ლიბია დღემდე ორად არის გაყოფილი და ქვეყანაში დაპირისპირება სამთავრობო ძალებსა და ამბოხებულ ჯგუფებს შორის გრძელდება.
სეიფ ალ-ისლამი მუამარ კადაფის უმცროსი ვაჟი იყო. კადაფის რეჟიმის დამხობამდე იგი შეზღუდული პოლიტიკური და ეკონომიკური რეფორმების ინიციატორად მოიაზრებოდა, თუმცა 2011 წლის ამბოხის დროს საჯაროდ დაუჭირა მხარი ხელისუფლების მიერ პროტესტის ძალადობრივ ჩახშობას.