იუსტიციის მინისტრის პირველ მოადგილედ ლევან ხარანაული დანიშნა
იუსტიციის მინისტრმა ანრი ოხანაშვილმა პირველი მოადგილის თანამდებობაზე ლევან ხარანაული დანიშნა.
“ლევან ხარანაული სამართლის დოქტორი და თსუ-ის იურიდიული ფაკულტეტის ასოცირებული პროფესორია. აქვს საჯარო სამსახურში მუშაობის და აკადემიური საქმიანობის მრავალწლიანი გამოცდილება; არის არაერთი სამეცნიერო კვლევისა და მონოგრაფიის ავტორი”, – წერს სოციალურ ქსელში იუსტიციის მინისტრი ანრი ოხანაშვილი.
ინფორმაცია საქართველოს იუსტიციის სამინისტროს Facebook-გვერდზე ვრცელდება.