ირაკლი კობახიძე: მართვის მოწმობებთან დაკავშირებული ამნისტია საახალწლო საჩუქარია მოქალაქეებისთვის
ირაკლი კობახიძის განცხადებით, ნებისმიერი ამნისტია ჰუმანური აქტია და ეს ეხება მართვის მოწმობებთან დაკავშირებულ ამნისტიასაც, რომელიც ერთგვარი საახალწლო საჩუქარია 30 000-ზე მეტი მოქალაქისთვის, ვისაც მართვის მოწმობა შეჩერებული ჰქონდა.
მისივე თქმით, მნიშვნელოვანია, რომ მოქალაქეებმა მაქსიმალური პასუხისმგებლობით მოეკიდონ ავტომობილის მართვას. განსაკუთრებულ პრობლემად დასახელდა ალკოჰოლის ზემოქმედების ქვეშ მართვა, რასაც ყველამ უნდა მოერიდოს.