ინგა გურგენიძე საერთაშორისო ტურნირებზე ოქროსა და ვერცხლის მედლებით დააჯილდოვეს
მიმდინარე წლის 16-19 იანვარს რუმინეთის ოტოპენში და 23-25 იანვარს სლოვენიის ლიუბლიანაში გამართულ იუნიორთა საერთაშორისო ტურნირში ფიგურულ ციგურაობაში წარმატებით იასპარეზა საქართველოს სპორტსმენმა ინგა გურგენიძემ.
რუმინეთში 21 სპორტსმენს შორის ინგამ მეორე ადგილი და ვერცხლის მედალი მოიპოვა, ხოლო ლიუბლიანაში 23 მოციგურავეს შორის პირველი ადგილი დაიკავა და ოქროს მედალი დაიმსახურა.
ეს ტურნირები ინგა გურგენიძისთვის მნიშვნელოვანი ეტაპია იუნიორთა შორის მიმდინარე წლის მსოფლიო ჩემპიონატის წინ, რომელიც 3-8 მარტს ესტონეთის დედაქალაქ ტალინში გაიმართება.