თბილისში იურისტთა პირველი დასაქმების ფორუმი გაიმართა
გამოცდილ და დამწყებ იურისტებს შესაძლებლობა მიეცათ, ერთ სივრცეში 30-ზე მეტი საჯარო უწყებისა და კერძო კომპანიის ვაკანსიებს გაცნობოდნენ და პირისპირ ესაუბრათ დამსაქმებლებთან.
ღონისძიება დასაქმების ხელშეწყობის სახელმწიფო სააგენტოსა და საქართველოს იურისტთა უმაღლეს სკოლის ორგანიზებით ჩატარდა.
დასაქმების ფორუმის მიზანია, ახალგაზრდა იურისტებისთვის რეალური დასაქმების შესაძლებლობების გაზრდა.
