ვაკის რაიონში, სკვერი და სპორტული მოედანი ეწყობა
3000 კვადრატული მეტრი ფართობის სივრცე შესაბამისი ინვენტარით აღიჭურვება, მოეწყობა დასასვენებელი პავილიონი, სპორტული მოედანი, ფიტნეს ზონები, საბავშვო მოედანი.
მიმდინარე სამუშაოებს დედაქალაქის მერი კახა კალაძე, საკრებულოს თავმჯდომარე, ვაკის რაიონის მაჟორიტარ დეპუტატ გიორგი ტყემალაძესთან, ვაკის რაიონის გამგებელ დავით კვინიკაძესთან და პარლამენტის წევრ ზურაბ რურუასთან ერთად გაეცნო. დედაქალაქის მერთად ერთად, ადგილზე მერის მოადგილეები – ირაკლი ბენდელიანი და კახა გულედანი იმყოფებოდნენ.
„ნუცუბიძის პირველ მიკრორაიონში სკვერის მოწყობის სამუშაოები მიმდინარეობს. პროექტი მნიშვნელოვანია იმ თვალსაზრისით, რომ ირგვლივ ბევრი საცხოვრებელი კორპუსია. გვინდა, რომ აღნიშნული ტერიტორია, რომელიც, დაახლოებით, 3 000 კვ. მეტრია, სრულად მოვაწესრიგოთ. პროექტის ფარგლებში, გაკეთდება ფანჩატურები, სასეირნო ბილიკები, დაირგვება ხე-მცენარეები, ტერიტორია გამწვანდება, ბავშვებისთვის მოეწყობა ატრაქციონები, ასევე, გამოიყოფა სავარჯიშო სივრცე, დამონტაჟდება განათებისა და სარწყავი სისტემები. სამუშაოების განხორციელებას, დაახლოებით, ორი თვე დასჭირდება”, – განაცხადა კახა კალაძემ.
პროექტს ვაკის რაიონის გამგეობა ახორციელებს. სამუშაოების ღირებულება 960 000 ლარია.
თბილისის მერია / Tbilisi City Hall
