ენერგოეფექტური რეაბილიტაციის მეორე ეტაპი რუსთავში
რუსთავი-ში, მესხიშვილის ქუჩაზე კორპუსების ენერგოეფექტური რეაბილიტაციის მეორე ეტაპი იწყება. სატენდერო პროცედურები უკვე მიმდინარეობს, ხოლო პროექტს რუსთავის მერიის ინფრასტრუქტურის სამსახური მოსახლეობასთან ერთად აძლევს განხილვის საშუალებას.
პროექტის დეტალები მოსახლეობას რუსთავის მერიის ინფრასტრუქტურის სამსახურის ხელმძღვანელმა ზურაბ ტაბაღუამ ქალაქის საკრებულოს თავმჯდომარის მოადგილე მარინა ლიპარტელიანთან და საკრებულოს მაჟორიტარ დეპუტატ გრიგოლ ვეფხვაძესთან ერთად გააცნო.
პროექტის ფარგლებში გათვალისწინებულია:
- სამივე შენობის თბოსაიზოლაციო მასალით შეფუთვა და ფასადების რეაბილიტაცია;
- არსებული კარ-ფანჯრების ჩანაცვლება ახალით;
- N10 კორპუსის საძირკვლის გამაგრება;
- აივნების დეკორატიული ელემენტების განახლება და მოწყობა.
პროექტის საერთო ღირებულება შეადგენს 3 146 674 ლარს და ფინანსდება სახელმწიფო ბიუჯეტიდან.