დავით შერაზადაშვილმა ბოლნისის სადელეგატო ბიუროში მოქალაქეთა მიღება გამართა
ბოლნისის სადელეგატო ბიუროში მოქალაქეთა მიღება გაიმართა. საქართველოს პარლამენტის წევრმა და ბოლნისის, დმანისის, თეთრიწყაროსა და წალკის მუნიციპალიტეტების დელეგატმა დავით შერაზადაშვილმა მოქალაქეთა საჭიროებებსა და პრობლემებს პირადად მოუსმინა.
დელეგატის განცხადებით, მოსახლეობასთან უშუალო კომუნიკაცია საქმიანობის ერთ-ერთი ყველაზე მნიშვნელოვანი ნაწილია, ხოლო უფლებამოსილების ფარგლებში თითოეულ საკითხზე დროული რეაგირება მისი პასუხისმგებლობაა.