გორში 19 წლის ბიჭი ჯანმრთელობის მძიმე დაზიანების ბრალდებით დააკავეს
შიდა ქართლის პოლიციის დეპარტამენტის გორის რაიონული სამმართველოს თანამშრომლებმა 2005 წელს დაბადებული გ.ჯ. ჯანმრთელობის განზრახ მძიმე დაზიანების ბრალდებით დააკავეს. დანაშაული 7 წლამდე თავისუფლების აღკვეთას ითვალისწინებს.
გამოძიების მიხედვით, კონფლიქტის ნიადაგზე ბრალდებულმა ცივი იარაღით მუცლის არეში დაზიანება მიაყენა 1997 წელს დაბადებულ ო.კ.-ს და შემთხვევის ადგილიდან მიიმალა. დაშავებული კლინიკაშია გადაყვანილი და შესაბამის სამედიცინო დახმარებას იღებს.
სამართალდამცველებმა გ.ჯ. მომხდარიდან მალევე, ცხელ კვალზე დააკავეს. დანაშაულის იარაღი – დანა – ნივთმტკიცებად ამოიღეს.
გამოძიება მიმდინარეობს საქართველოს სისხლის სამართლის კოდექსის 117-ე მუხლის პირველი ნაწილით.