მაღალი ტემპერატურა ქვეყნის მასშტაბით – გარემოს ეროვნული სააგენტო მოსახლეობას სიფრთხილისკენ მოუწოდებს
გარემოს ეროვნული სააგენტოს ინფორმაციით, აღმოსავლეთ რეგიონებში ტემპერატურა 35- 40 გრადუსს მიაღწევს, დასავლეთ საქართველოში 30- 35 გრადუსი იქნება.
რაც შეეხება დედაქალაქს, უახლოეს დღეებში 39 გრადუსი შენარჩუნდება.
როგორც გარემოს ეროვნული სააგენტოს განცხადებაში ვკითხულობთ, მაღალი ტემპერატურა ზრდის სითბური სტრესისა და ტყის ხანძრების რისკს და მოსახლეობის მხრიდან განსაკუთრებულ სიფრთხილეს საჭიროებს.