გაეროში საქართველოს მუდმივი წარმომადგენლობის ორგანიზებითა და კულტურის სამინისტროს მხარდაჭერით, გაერთიანებული ერების ორგანიზაციის შტაბ-ბინაში გაიმართა საქართველოს დამოუკიდებლობის დღისადმი მიძღვნილი ღონისძიება და გალა კონცერტი სოფო ხალვაშისა და ანსამბლ “თეატრალური კვარტეტის” მონაწილეობით

სტუმრებს სიტყვით მიმართეს საქართველოს საგარეო საქმეთა მინისტრის მოადგილემ ლაშა დარსალიამ და საქართველოს მუდმივმა წარმომადგენელმა გაეროში, დავით ბაქრაძემ.

დამოუკიდებლობის დღის აღსანიშნავ ღონისძიებას ესწრებოდნენ გაეროში აკრედიტებული სახელმწიფოების ელჩები, გაეროს გენ-მდივნის წარმომადგენლები და დიპლომატიური კორპუსის წევრები.