ბოლნისელმა სპორტსმენმა, ღვთისო კვიციანმა, 4–15 თებერვალს სერბეთის დედაქალაქ ბელგრადში მიმდინარე შერეულ საბრძოლო ხელოვნებაში ევროპის ჩემპიონატზე ღირსეულად იასპარეზა. 52,2 კგ წონით კატეგორიაში მან ევროპის ვიცე-ჩემპიონის ტიტული მოიპოვა და ვერცხლის მედალი დაიმსახურა.
ბოლნისის მუნიციპალიტეტის მერის, ზამურ ჭითანავა ღვთისოს წარმატებას ულოცავს და წერს :
„მსურს გულითადად მივულოცო ღვთისო კვიციანს გამარჯვება. თითოეული ბოლნისელისთვის მეტად საამაყოა, რომ ჩვენს მუნიციპალიტეტს სპორტის სხვადასხვა სახეობაში არაერთი მსოფლიო და ევროპის ჩემპიონი ჰყავს. ადგილობრივი თვითმმართველობის ერთ-ერთ პრიორიტეტს სწორედ სპორტისა და ადგილობრივი სპორტსმენების ხელშეწყობა წარმოადგენს. ღვთისო კვიციანს მიღწეული წარმატებისთვის მერიისგან ერთჯერადად ფულადი ჯილდო გადაეცემა. კიდევ ერთხელ ვულოცავ მას გამარჯვებას და საერთაშორისო ასპარეზზე კიდევ არაერთ წარმატებას ვუსურვებ!“
