აბიტურიენტების რეგისტრაცია დღეს, 2 აპრილის 18:00 საათზე დასრულდება!
2 აპრილის 18:00 საათამდე გამოსაცდელმა უნდა გადაიხადოს რეგისტრაციის საფასური, სარეგისტრაციო გვერდზე შეიყვანოს პირადი მონაცემები და აირჩიოს საგამოცდო ქალაქი.
ქალაქის, საგნის, ასევე გამოცდის ენის შეცვლა 10 აპრილის 18:00 საათამდეა შესაძლებელი.
იმ შემთხვევაში, თუ გამოსაცდელები რეგისტრაციის საფასურს გადაიხდიან 2 აპრილის 18:00 საათამდე, მაგრამ რაიმე მიზეზით ვერ მიიყვანენ რეგისტრაციის პროცესს ბოლომდე, მათ შესაძლებლობა ექნებათ 10 აპრილის 18:00 საათამდე დაასრულონ რეგისტრაცია.
გისურვებთ წარმატებას!