18 მაისს საქართველოში ეროვნული სამოსის დღე აღინიშნება!
ეროვნული სამოსის დღე 2016 წელს დაწესდა და მისი მიზანი ქართული კულტურის პოპულარიზაციაა.
დღეს საქართველოში ეროვნული სამოსის დღე აღინიშნება. კარნავალის ტიპის კოსტიუმირებული დღესასწაული უკვე ექვსი წელია იმართება.
18 მაისი იქცა საზოგადოების მიერ თვითორგანიზებულ დღედ, როცა მთელი საქართველო ერთდროულად მართავს მასშტაბურ ღონისძიებებს და კარნავალის ტიპის კოსტიუმირებულ აღლუმებს. მთელი საქართველო ღია ცის ქვეშ გაცოცხლებულ მუზეუმად იქცევა და ქვეყანაში არსებული ისტორიულ-კულტურული მემკვიდრეობა სხვადასხვა ფორმით ქუჩებში გამოიფინება.
