🦌 კავკასიური ირმების ოჯახი იზრდება – ალგეთის ეროვნულ პარკს ორი ხარირემი შეემატა

ქვემო ქართლი — ალგეთის ეროვნულ პარკში მოქმედ კავკასიური ირმის საშენ მეურნეობას ორი ახალი ხარირემი შეემატა. ეს სიახლე მნიშვნელოვანი წინსვლაა საქართველოს ფაუნის აღდგენის საქმეში და იმედისმომცემი სიგნალია ბიომრავალფეროვნების დაცვის თვალსაზრისით.

გარემოს დაცვისა და სოფლის მეურნეობის სამინისტროს მიერ დამტკიცებული სახეობათა აღდგენის პროგრამის ფარგლებში, სსიპ ველური ბუნების ეროვნული სააგენტოს ინიციატივით შექმნილი საშენი მეურნეობა დღეს უკვე 9 კავკასიურ ირმს აერთიანებს — 2 ხარირემი და 7 ფურირემი.