🛑 გამოვლინდა ქვიშა-ხრეშის უკანონო მოპოვების 9 ფაქტი

გარემოსდაცვითი ზედამხედველობის დეპარტამენტმა სხვადასხვა რეგიონში ქვიშა-ხრეშის უკანონო მოპოვების 9 ფაქტი გამოავლინა. სამართალდარღვევები გამოვლინდა შემდეგ მუნიციპალიტეტებში:

📍 იმერეთი – ზესტაფონი, სამტრედია
📍 ქვემო ქართლი – მარნეული
📍 მცხეთა-მთიანეთი – დუშეთი
📍 სამეგრელო – ჩხოროწყუ
📍 რაჭა-ლეჩხუმი – ონი
📍 კახეთი – ახმეტა

🔹 სამართალდამრღვევებმა მდინარეების: ყვირილას, რიონის, ხრამის, დებედას, არაგვის, არღუნის, ხობის, ცხენისწყლისა და ალაზნის კალაპოტებიდან, ექსკავატორების გამოყენებით, უკანონოდ მოიპოვეს დაახლოებით 400 კუბური მეტრი ქვიშა-ხრეში.

📄 ყველა ფაქტზე შედგა შესაბამისი სამართლებრივი დოკუმენტაცია. იმ შემთხვევები, რომლებიც სისხლის სამართლის დანაშაულის ნიშნებს შეიცავს, გადაგზავნილია საგამოძიებო უწყებებში.

✅ დეპარტამენტის ეკიპაჟები 24/7 რეჟიმში პატრულირებენ და რეაგირებენ გარემოს დაცვისა და სოფლის მეურნეობის სამინისტროს ცხელ ხაზზე – 153 – შემოსულ ყველა შეტყობინებაზე.

გარემოსდაცვითი ზედამხედველობის დეპარტამენტისთვის პრიორიტეტია ბუნებრივი რესურსების უკანონო სარგებლობის აღკვეთა და პრევენცია.