🚨 დაკავება საზღვარზე-სამსახურებრივი უფლებამოსილების ბოროტად გამოყენების ბრალდებით

შინაგან საქმეთა სამინისტროს გენერალურმა ინსპექციამ, გენერალურ პროკურატურასა და სასაზღვრო პოლიციასთან ერთად, ჩაატარა სპეცოპერაცია, რის შედეგადაც უაქციზო თამბაქოს ჯგუფურად გადაზიდვისა და შენახვის ბრალდებით 2 პირი დააკავეს.

🛑 დაკავებულთა შორის არის შსს-ს სასაზღვრო პოლიციის თანამშრომელი, რომელმაც სამსახურებრივი მდგომარეობა ბოროტად გამოიყენა და მოქალაქესთან ერთად სარფის გამშვები პუნქტის გვერდის ავლით, საქართველოში 1 200 კოლოფი უაქციზო თამბაქო შემოიტანა.

📦 თამბაქოს ნაწარმი შემდგომი რეალიზაციის მიზნით შეინახებოდა მათსავე სარგებლობაში არსებულ კომერციულ ფართში. ნივთმტკიცებები ამოღებულია.

⚖️ გამოძიება მიმდინარეობს სსკ-ის 332-ე და 200-ე მუხლებით.
დანაშაული 6 წლამდე თავისუფლების აღკვეთას ითვალისწინებს.