🗳️ საარჩევნო პროცესს 28 საერთაშორისო და 27 ადგილობრივი ორგანიზაცია დააკვირდება

ცენტრალური საარჩევნო კომისიის (ცესკო) თავმჯდომარის, გიორგი კალანდარიშვილის განცხადებით, მიმდინარე საარჩევნო პროცესს 28 საერთაშორისო და 27 ადგილობრივი სადამკვირვებლო ორგანიზაცია დააკვირდება, ხოლო მედიასაშუქებას 73 მედიასაშუალების ათასამდე წარმომადგენელი განახორციელებს.

📌 კალანდარიშვილის თქმით, საერთაშორისო დამკვირვებლები 21 ქვეყნის საელჩოებისა და საარჩევნო ადმინისტრაციების წარმომადგენლები არიან, მათ შორის:

• ბულგარეთი, ალბანეთი, ბოსნია და ჰერცოგოვინა, უნგრეთი, სლოვაკეთი, მონტენეგრო, თურქეთი, მოლდოვა და სხვა.

📍 ცესკოს თავმჯდომარემ ასევე დააანონსა, რომ დღის განმავლობაში გაიმართება სამუშაო შეხვედრები საერთაშორისო პარტნიორებთან, სადაც მონაწილეები დეტალურ ინფორმაციას მიიღებენ არჩევნებთან დაკავშირებულ საკითხებზე.

🗣️ კალანდარიშვილმა მოუწოდა როგორც საარჩევნო კომისიებს, ისე სადამკვირვებლო ორგანიზაციებს, დაიცვან კანონმდებლობა:

“საარჩევნო ადმინისტრაცია იმოქმედებს კანონის ფარგლებში და საქმიანობაში ჩარევის ან ხელის შეშლის შემთხვევაში დაუყოვნებლივ მიმართავს კანონით დადგენილ მექანიზმებს.”