🗳️ ომბუდსმენი და ცესკო პოლიტიკურ სუბიექტებს სამართლიანი და მშვიდობიანი წინასაარჩევნო პროცესისკენ მოუწოდებენ

2025 წლის 5 აგვისტოს, საქართველოს პრეზიდენტმა 4 ოქტომბერს დანიშნა მუნიციპალიტეტის წარმომადგენლობითი ორგანოს – საკრებულოსა და თვითმმართველი ქალაქის/თვითმმართველი თემის მერის მორიგი არჩევნები. შესაბამისად, ქვეყანაში ოფიციალურად დაიწყო წინასაარჩევნო პერიოდი.

📢 მიმდინარე პროცესების ფონზე, საქართველოს სახალხო დამცველი და ცენტრალური საარჩევნო კომისია (ცესკო), როგორც ორი დამოუკიდებელი კონსტიტუციური ინსტიტუცია, ერთობლივად მოწოდებას აკეთებენ პოლიტიკური პარტიების, კანდიდატებისა და წინასაარჩევნო პროცესში ჩართული ყველა მხარისადმი, ხელი შეუწყონ ისეთი საარჩევნო გარემოს ფორმირებას, რომელიც უზრუნველყოფს სამართიან, მშვიდობიან და თანასწორ არჩევნებს.

🔍 განცხადებაში ხაზგასმულია, რომ:

• საარჩევნო მთლიანობა და ჯანსაღი საარჩევნო გარემო ფუნდამენტურია დემოკრატიული საზოგადოების ფუნქციონირებისთვის;
• სიძულვილის ენის გამოყენება, დისკრიმინაციის წახალისება და პირადი თავდასხმები პოლიტიკურ დებატებში სერიოზულად აზიანებს საზოგადოებრივ ნდობას და ასუსტებს საარჩევნო გარემოს.

📌 როგორც ცესკოს, ისე სახალხო დამცველის შეფასებით, წარსულ წლებშიც არაერთხელ დაფიქსირდა:

• საარჩევნო სუბიექტების მხრიდან დისკრიმინაციის წახალისება სხვადასხვა ნიშნით
• სიძულვილის ენის გამოყენება, მათ შორის — საარჩევნო კომისიების წარმომადგენლების მიმართ
• პოლიტიკური დებატების შეურაცხმყოფელი და აგრესიული ფორმა

⚠️ ინსტიტუციები მკაფიოდ აფრთხილებენ, რომ მსგავსი ფაქტები ხელს უშლის სამართლიანი, თანასწორი და ინკლუზიური საარჩევნო გარემოს შექმნას და ზიანს აყენებს ქვეყნის დემოკრატიულ განვითარებას.