🔹 საპენსიო ფონდის აქტივებმა 7.4 მლრდ ლარს გადააჭარბა – დაგენერირებული ამონაგები 1.9 მლრდ ლარია

საქართველოს საპენსიო ფონდის ინფორმაციით, 2025 წლის 31 აგვისტოს მდგომარეობით, დაგროვებით პენსიაში ჩართულია 1,667,000-ზე მეტი მოქალაქე, ხოლო პენსიის მიღება უკვე დაიწყო 22,843-მა პირმა. მათზე გაცემული პენსიის საერთო მოცულობამ 100.3 მლნ ლარი შეადგინა.

ფონდის მონაცემებით, საპენსიო აქტივების ჯამური ღირებულება 7.4 მლრდ ლარს აჭარბებს, რომელთაგან დაგენერირებული ამონაგები – 1.9 მლრდ ლარს შეადგენს.

საინვესტიციო პორტფელების მიხედვით, აგვისტო მომგებიანი თვე იყო ყველა ტიპის პორტფელისთვის:

• 🔸 დინამიკური პორტფელი – +1.98%
• 🔸 დაბალანსებული პორტფელი – +1.51%
• 🔸 კონსერვატიული პორტფელი – +1.22%

📈 2025 წლის დასაწყისიდან დღემდე შემოსავლიანობა:

• კონსერვატიული – 7.29%
• დაბალანსებული – 8.11%
• დინამიკური – 9.20%

📌 დინამიკური პორტფელი გრძელვადიან პერსპექტივაშიც ლიდერობს – მისი გაწლიურებული ამონაგები 13.8%-ს შეადგენს, დაბალანსებულის – 12.7%, ხოლო კონსერვატიულის – 11.6%.

👉 ფონდის შეფასებით, პოზიტიური შედეგები საერთაშორისო ბაზრებზე გაუმჯობესებული გარემოსა და ფედერალური რეზერვის შერბილებული პოლიტიკის მოლოდინს უკავშირდება.