🔎 საბაჟო წესების დარღვევის ფაქტი – ამოღებულია განსაკუთრებით დიდი ოდენობით ვეტერინარული მედიკამენტები

საქართველოს ფინანსთა სამინისტროს საგამოძიებო სამსახურმა, შემოსავლების სამსახურის საბაჟო დეპარტამენტთან კოორდინაციით, საბაჟო გამშვებ პუნქტ „ყაზბეგზე“ რუსეთის ფედერაციის მიმართულებით მიმავალი მსუბუქი ავტომანქანის სპეციალურად მოწყობილ სამალავებში 36,000 ლარზე მეტი ღირებულების ვეტერინარული მედიკამენტები აღმოაჩინა.

🔹 საქონლის გადაადგილება განხორციელდა საბაჟო წესის დარღვევით, განსაკუთრებით დიდი ოდენობით
🔹 საქმეზე დაკავებულია ერთი პირი
🔹 გამოძიება მიმდინარეობს სისხლის სამართლის კოდექსის 19, 214-ე მუხლის მე-2 ნაწილით, რაც ითვალისწინებს 5-დან 7 წლამდე თავისუფლების აღკვეთას

📌 საგამოძიებო მოქმედებები გრძელდება.