📰 დმანისში წარჩინებულ მოსწავლეებს ფულადი ვაუჩერები გადაეცა

🎓2023-2024 სასწავლო წლის წარმატებული დასრულება დმანისში სიმბოლურად აღინიშნა – მუნიციპალიტეტში მცხოვრებ ოქროსა და ვერცხლის მედალოსან 9 მოსწავლეს ფულადი ვაუჩერები გადაეცა.

🏅 მედალოსნებს დმანისის მუნიციპალიტეტის მერმა კობა მურადაშვილმა პირადად მიულოცა და ვაუჩერები გადასცა. ღონისძიებას ასევე ესწრებოდნენ მერის მოადგილე არიფ სულეიმანოვი, საკრებულოს თავმჯდომარე პაატა ყულიაშვილი, მერიის განათლების, კულტურის, სპორტისა და ახალგაზრდობის საქმეთა სამსახურის უფროსი ნინო ომიაძე და რესურსცენტრის უფროსი მაია ხმალაძე.

ღონისძიებაზე ხაზი გაესვა განათლების როლს ახალგაზრდების მომავალსა და ქვეყნის განვითარებაში. ადგილობრივი ხელისუფლების წარმომადგენლებმა აღნიშნეს, რომ მსგავსი ინიციატივები ხელს უწყობს მოტივაციის გაზრდას და ახალგაზრდებში ლიდერული უნარების განვითარების წახალისებას.