📚 თეთრიწყაროს მერობის კანდიდატმა მიხეილ აფციაურმა მოსწავლეებს ახალი სასწავლო წლის დაწყება მიულოცა

🔔 ახალი სასწავლო წლის დაწყებასთან დაკავშირებით, თეთრიწყაროს მერობის კანდიდატმა მიხეილ აფციაურმა მოსწავლეებს, მშობლებსა და პედაგოგებს მოლოცვა გადაუცა და მათ წარმატებები და შემართება უსურვა:

„ახალი სასწავლო წლის დაწყება ყოველთვის სავსეა მოლოდინებით, ახალი შესაძლებლობებითა და შთაგონებით.
მინდა მივულოცო მოსწავლეებს, მშობლებს და მასწავლებლებს – გისურვებთ წარმატებას, მონდომებასა და ცოდნის დაუღალავ ძიებას. თქვენი ყოველდღიური შრომა, რასაც სწავლა ჰქვია, არის საფუძველი ჩვენი ქვეყნის მომავლისა.“

💫 მიხეილ აფციაურმა განსაკუთრებული სიტყვები მიუძღვნა პირველკლასელებს, ვინც დღეს პირველად გადაკვეთეს სკოლის ზღურბლი:

„განსაკუთრებით ვულოცავ ყველა პირველკლასელს, ვინც პირველად შეაღო დღეს სკოლის კარი. იყავით გაბედულები, შრომისმოყვარეები და მუდამ ცნობისმოყვარეები. დღეს იწყება თქვენთვის ცხოვრების ახალი და მნიშვნელოვანი ეტაპი.“

📍 მერობის კანდიდატმა კიდევ ერთხელ გამოხატა მხარდაჭერა განათლებისა და ახალგაზრდების მიმართ და აღნიშნა, რომ ეს სფერო თეთრიწყაროს განვითარებისთვის ერთ-ერთი მთავარი პრიორიტეტია.