📚 გივი მიქანაძე მოსწავლეებს, მასწავლებლებსა და მშობლებს ახალი სასწავლო წლის დაწყებას ულოცავს

საქართველოს განათლების, მეცნიერებისა და ახალგაზრდობის მინისტრმა გივი მიქანაძემ ახალი სასწავლო წლის დაწყება მიულოცა მოსწავლეებს, მშობლებს, პედაგოგებსა და სასკოლო საზოგადოებას:

✍️ გივი მიქანაძე:

„ძვირფასო მოსწავლეებო, მშობლებო, პედაგოგებო, მთელი გულით გილოცავთ ახალი სასწავლო წლის დაწყებას!
ეს დღე განსაკუთრებულია — განსაკუთრებით ჩვენი პატარებისთვის, რომლებიც პირველად შეაღებენ სკოლის კარს.
ჩვენი მიზანია, რომ ყველა მოსწავლეს ჰქონდეს თანაბარი წვდომა ხარისხიან განათლებაზე და შეძლოს საკუთარი პოტენციალის სრულად განვითარება.“

მინისტრის თქმით, ახალი სასწავლო წელი იწყება მრავალი განახლებული სკოლით, რაც სახელმწიფოს განათლების ინფრასტრუქტურის გაუმჯობესების აქტიური პოლიტიკის შედეგია.

🙏 „გულწრფელი მადლობა მინდა გადავუხადო მასწავლებლებს, დირექტორებს და სკოლის ყველა თანამშრომელს — თქვენი ღვაწლი შეუფასებელია.
განათლება ის ძალაა, რომელიც ქმნის ქვეყნის ნათელ მომავალს.“