📚✨ დმანისში ახალი სასწავლო წლის დაწყებასთან დაკავშირებით სკოლების დირექტორებთან შეხვედრა გაიმართა

დმანისის მუნიციპალიტეტის მერი კობა მურადაშვილი, საგანმანათლებლო რესურსცენტრის ხელმძღვანელ მაია ხმალაძესთან ერთად, მუნიციპალიტეტის სკოლების დირექტორებს შეხვდა.

🤝 შეხვედრაზე განხილული იქნა განათლების მიმართულებით არსებული გამოწვევები, მიმდინარე საჭიროებები და ის პროექტები, რომლებიც მუნიციპალიტეტში უკვე განხორციელდა ან განხორციელების პროცესშია.

📌 როგორც კობა მურადაშვილმა აღნიშნა, ამ ეტაპზე დმანისში სამი ახალი სკოლის მშენებლობა აქტიურად მიმდინარეობს, ხოლო ორი სკოლის რეაბილიტაცია უკვე დასრულებულია.

მისივე თქმით, აღნიშნული ინფრასტრუქტურული პროექტები შექმნის უფრო კომფორტულ და უსაფრთხო გარემოს მოსწავლეებისა და პედაგოგებისთვის.