📍 თბილისის დენდროლოგიურ პარკში გრანდიოზული ატრაქციონების პარკი მოეწყობა🎡 მშენებლობის ხარჯების მნიშვნელოვან ნაწილს ბიძინა ივანიშვილის ოჯახი და ფონდი „ქართუ“ დააფინანსებენ

თბილისის ზღვის მიმდებარედ, დენდროლოგიურ პარკში რეგიონის მასშტაბით ყველაზე დიდი ატრაქციონების პარკის მოწყობა იგეგმება – ამის შესახებ დედაქალაქის მერმა, კახა კალაძემ სოციალურ ქსელში ვიდეოჩართვისას განაცხადა.

➡️ კალაძის თქმით, გასართობი პარკი ანალოგიური არ ექნება არა მხოლოდ საქართველოში, არამედ მთელ რეგიონშიც, ხოლო პროექტში მნიშვნელოვანი წვლილი ბიძინა ივანიშვილის ოჯახს და საქველმოქმედო ფონდ „ქართუს“ ექნება.

🔸 პარკის დაგეგმარებაში ჩაერთვებიან მსოფლიოში ცნობილი ატრაქციონური პარკების -დისნეილენდის“, „ლეგოლენდის“, „უნივერსალ სტუდიოს“ ანალოგიური მოდელების ექსპერტები
🔸 მოეწყობა მრავალფეროვანი ზონები: საბავშვო, საოჯახო, ექსტრემალური ატრაქციონები, სარელაქსაციო სივრცეები, კვების ობიექტები და მაღაზიები
🔸 შენარჩუნდება არსებული მწვანე საფარი და დამატებით განხორციელდება გამწვანება
🔸 პროექტის ფარგლებში მოეწყობა მიწისქვეშა კომუნიკაციები, განათება და საჭირო ინფრასტრუქტურა

💬 კახა კალაძე:
„დარწმუნებული ვარ, ეს პარკი გახდება ერთ-ერთი ყველაზე პოპულარული ადგილი ქვეყნის შიგნით და გარეთ – მიმზიდველი იქნება როგორც ქართველებისთვის, ისე უცხოელი ტურისტებისთვის. მჯერა, რომ უამრავი პატარის გაბრწყინებული თვალები ამ ადგილის მთავარი სიმბოლო გახდება.“

📍 პროექტი დენდროლოგიური პარკისა და თბილისის ზოოპარკის გადმოტანის ფართო კონცეფციის ნაწილია, რომელიც დედაქალაქის განვითარების გეგმის ერთ-ერთი პრიორიტეტია.