🎭 მარნეულში თოჯინური სპექტაკლის „სოფლის შენებას რა უნდა?!“ დახურული ჩვენება გაიმართა

მარნეულის მუნიციპალიტეტის კულტურის ცენტრის ორგანიზებით, ქალაქ მარნეულის ბიბლიოთეკის ამერიკულ კუთხეში თოჯინური სპექტაკლის „სოფლის შენებას რა უნდა?!“ დახურული ჩვენება გაიმართა.

სპექტაკლს მარნეულის მუნიციპალიტეტის მერის მოადგილე თეონა ფარჯიანი დაესწრო.

თოჯინური წარმოდგენა მარნეულის კულტურის სახლის ხელნაკეთი თოჯინებისა და ნივთების დამზადების სტუდიის მოსწავლეებისა და პედაგოგ არმენ ჰოვანესიანის ერთობლივი შემოქმედებითი მუშაობის შედეგად შეიქმნა.