🌟 რუსთავის მერმა ახალგაზრდებსა და სპორტსმენებს განვითარების ახალი გეგმა წარუდგინა

რუსთავის იპოდრომის სივრცეში ქალაქის ახალგაზრდებთან და სპორტსმენებთან მნიშვნელოვანი შეხვედრა გაიმართა, სადაც რუსთავის მერმა, ნინო ლაცაბიძემ, მომდევნო წლების განვითარების პროგრამის ძირითადი მიმართულებები წარადგინა.

შეხვედრის მთავარი აქცენტი სპორტისა და განათლების სფეროებში განხორციელებულ პროექტებსა და დაგეგმილ ინიციატივებზე გაკეთდა. როგორც მერმა აღნიშნა, ბოლო ოთხი წლის განმავლობაში ქალაქში აშენდა და განახლდა არაერთი ობიექტი – რაც ახალგაზრდა რუსთაველებს მეტ საშუალებას აძლევს, განვითარდნენ, ისწავლონ და იასპარეზონ ღირსეულ პირობებში.

„ახალი ინფრასტრუქტურა ჩვენი სპორტსმენებისთვის ახალი შესაძლებლობების გახსნას ნიშნავს. ეს მხოლოდ ფიზიკური გარემოს გაუმჯობესება არ არის – ეს არის სტიმული, მოტივაცია და მხარდაჭერა, რაც აუცილებელია ახალგაზრდებისთვის წარმატების მისაღწევად“, – აღნიშნა ნინო ლაცაბიძემ.

📌 მერის განცხადებით, მერიას მკაფიო გეგმა აქვს, რომ მომავალშიც გააგრძელოს ინფრასტრუქტურული პროექტები და უზრუნველყოს სპორტული და საგანმანათლებლო სივრცეების ზრდა.