🌍 ნატოს საზაფხულო სკოლა JTEC-ში დასრულდა

ნატო-საქართველოს წვრთნებისა და შეფასების ერთობლივ ცენტრში (JTEC) 2025 წლის საზაფხულო სკოლის მონაწილეებს უმასპინძლეს. ცენტრის ხელმძღვანელებმა ახალგაზრდებს დეტალურად გააცნეს JTEC-ის ისტორია, ფუნქციები და მიმდინარე პროექტები.

სტუმრებს შესაძლებლობა ჰქონდათ დაეთვალიერებინათ ნატოსა და საქართველოს ერთობლივი ცენტრის შეიარაღება და აღჭურვილობა, გაეცნონ ქვედანაყოფების წვრთნის პროცესს რეალურ და სიმულაციურ გარემოში, როგორც ეროვნულ, ისე მრავალეროვნულ დონეზე.

ხუთდღიანი ინტენსიური პროგრამის ფარგლებში ქართველი, აზერბაიჯანელი და სომეხი მონაწილეები ნატო-საქართველოს პარტნიორობის, თანამშრომლობის პრაქტიკულ მექანიზმებსა და ნატოს არსსა და მიზნებს გაეცნენ. ვიზიტით საზაფხულო სკოლა წარმატებით დასრულდა.