🌍 10 ნოემბერი – მეცნიერების მსოფლიო დღე

10 ნოემბერს აღინიშნება „მეცნიერების მსოფლიო დღე მშვიდობისა და განვითარებისთვის“, რომელიც 2001 წელს UNESCO-ს ეგიდით დაფუძნდა. დღეს საერთაშორისო საზოგადოების ყურადღება მეცნიერების როლზე მიმართულია, რომელიც განსაზღვრავს ჩვენს ყოველდღიურ ცხოვრებას.

📌 2025 წლის თემა:
„ნდობა, ტრანსფორმაცია და მომავალი – მეცნიერება, რომელიც გვჭირდება 2050 წლისთვის.“

სსიპ სოფლის მეურნეობის სამეცნიერო-კვლევითი ცენტრი ქვეყანაში აგრარული კვლევების მენეჯმენტს 10 წელია უძღვება. ცენტრი აერთიანებს 18 სამეცნიერო მიმართულებას და ფლობს თანამედროვე ლაბორატორიებს, სათბურებსა და საცდელ-სადემონსტრაციო ნაკვეთებს.

💡 მთავარი მიმართულებები:

• გენეტიკური რესურსების მოძიება, დაცვა და კონსერვაცია (მცენარეები, შინაური ცხოველები, ფრინველები, თევზები, სასარგებლო მწერები)
• ახალი ჯიშების გამოცდა და შეფასება, ჯანსაღი სათესლე და სარგავი მასალის წარმოება
• ნიადაგის ნაყოფიერების აღდგენა, ორგანული წარმოების ხელშეწყობა
• სურსათის უვნებლობა, ფიტოსანიტარიისა და ვეტერინარიის რისკების შეფასება
• თანამედროვე შენახვა-გადამუშავების ტექნოლოგიების, აგროტექნოლოგიების ინოვაციური მოდელების დანერგვა
• საერთაშორისო და ადგილობრივი კვლევითი პროექტები, ახალგაზრდების ჩართულობის ზრდა

🔬 ცენტრი აქტიურად თანამშრომლობს უნივერსიტეტებთან, საერთაშორისო ორგანიზაციებთან, კვლევით ინსტიტუტებთან და ფერმერებთან, რაც ხელს უწყობს ცოდნისა და ინოვაციების გავრცელებას სოფლის მეურნეობაში.