♻️ პლასტმასის რეგულაციები სურსათთან შეხების პროდუქტებზე – სამინისტრო კერძო სექტორს შეხვდა
გარემოს დაცვისა და სოფლის მეურნეობის მინისტრის პირველი მოადგილე ნინო თანდილაშვილი, მინისტრის მოადგილეებთან – სოლომონ პავლიაშვილთან, კახა კაკაბაძესთან და ლაშა ავალიანთან ერთად, შეხვდა ბიზნესსექტორის, სავაჭრო ქსელების, პლასტმასის მწარმოებლებისა და იმპორტიორების წარმომადგენლებს.
🔹 შეხვედრის მიზანი:
სურსათთან პირდაპირი შეხებისთვის განკუთვნილი პლასტმასის ერთჯერადი პროდუქტების რეგულაციის განხილვა.
🗨 ნინო თანდილაშვილი:
„სამინისტრო აქტიურად მუშაობს სურსათთან შეხებაში მყოფი პლასტმასის მოხმარების შეზღუდვაზე. მნიშვნელოვანია, რეგულაცია იყოს დაბალანსებული ჯანმრთელობის, გარემოს დაცვისა და ეკონომიკურ ინტერესებს შორის.“
🔍 სამუშაო ვერსიით იგეგმება აკრძალვა შემდეგი ერთჯერადი პლასტმასის პროდუქტებისთვის (გარდა ექსპორტის მიზნით):
- დანები, ჩანგლები, კოვზები, თეფშები
- პლასტმასის ჩხირები, საწრუპები, სასმლის მოსარევები
- გაფართოებული პოლისტიროლისგან დამზადებული სასურსათო კონტეინერები და თავსახურები
- პლასტმასის ჭიქები და თავსახურები
📌 აკრძალვა შეეხება წარმოებას, იმპორტს და ბაზარზე განთავსებას.
🔗 სრულად: 👉 mepa.gov.ge