,,ჩეხეთის საგარეო ურთიერთობათა კომიტეტმა საქართველოს ეროვნული ინტერესებისადმი დაპირისპირებული განცხადება გააკეთა, ხოლო ჩეხეთის საელჩო ამბობს, რომ ეს მათ არ ეხებათ”-გიორგი ვოლსკი
„აქ ევროპარლამენტის მიმართ სოლიდარობის გამოხატვა უფროა ვიდრე სინამდვილის აღწერა. რეალობაში ხომ სულ სხვა რამე ხდება – ფაქტია, რომ დაპირისპირება მიმდინარეობს, ფართო ფრონტია გაშლილი გლობალური ომის პარტიას, “დიფ სთეითსა” და ახალ დღის წესრიგს შორის, რომელსაც წარმოადგენს ამერიკის შეერთებული შტატების ახალი ადმინისტრაცია. ამ ბრძოლაში ერთ-ერთ სეგმენტზე საქართველოს მიმართულებით კიდევ ერთი ბოროტი, საქართველოს ეროვნული ინტერესებისადმი დაპირისპირებული განცხადება გააკეთა ჩეხეთის საგარეო ურთიერთობათა კომიტეტმა და საელჩო კიდე ამისკენ არ იხედება, ამბობს, რომ ეს მას არ ეხება და პარლამენტს იგი არ აკონტროლებს თუ არ ექვემდებარება“, – განაცხადა პარლამენტის პირველი ვიცე-სპიკერმა გიორგი ვოლსკიმ.