ქართველმა მოფარიკავემ, სანდრო ბაზაძემ, სეულის გრან-პრიზე ბრინჯაოს მედალი მოიპოვა
სამხრეთ კორეაში ხმლით მოფარიკავე სენიორებს შორის სეულის გრან-პრი მიმდინარეობს. ტურნირზე ქართველმა მოფარიკავემ, სანდრო ბაზაძემ, ბრინჯაოს მედალი მოიპოვა.
სანდრო ბაზაძემ მეოთხედფინალში სამხრეთ კორეელ სან გუკ ოჰს ანგარიშით 15:11 სძლია. ქართველმა მოფარიკავემ ნახევარფინალი უნგრელ სპორტსმენთან ანგარიშით 10:15 დათმო და მესამე ადგილს დასჯერდა.
სეული 36 ქვეყნის 200მდე მოფარიკავეს მასპინძლობს. ქართველი სპორტსმენები ტურნირზე საქართველოს სპორტის სამინისტროს მხარდაჭერით იმყოფებიან.
