ქართველი ჩოგბურთელი ნიკოლოზ ბასილაშვილი ავსტრალიელ კრუზ ჰიუიტს 7 იანვარს დაუპირისპირდება
ვსტრალიის ღია პირველობის საკვალიფიკაციო ეტაპზე ქაართველო ჩოგბურთელის ნიკოლოზ ბასილაშვილის პირველი მეტოქე 16 წლის კრუზ ჰიუიტი იქნება, იუწყება „პირველი არხი”.
ქართველი ჩოგბურთელი ავსტრალიელს 7 იანვარს დაუპირისპირდება. კრუზ ჰიუიტი ლეგენდარული ჩოგბურთელის, ლეიტონ ჰიუიტის ვაჟია, რომელიც ამჟამად მსოფლიო რეიტინგში 1265-ე ადგილზეა და დიდი სლემის ტურნირზე ე.წ. „ველური ბარათით“ მოხვდა.
რაც შეეხება ნიკოლოზ ბასილაშვილს, ჩოგბურთელმა 2024 წელი მსოფლიო კლასიფიკაციაში 208-ე ადგილზე დაასრულა და 2025 წლის პირველ სლემის ტურნირზე საკვალიფიკაციო ეტაპზე მონაწილეობის უფლებაც მიიღო. ძირითად ბადეში მოსახვედრად მას სამი მატჩის მოგება სჭირდება.