„ფორმულას“ 38.25%-ის მფლობელი მიშა მშვილდაძე გახდა

საქართველოს ყოფილი თავდაცვის  მინისტრის, დავით კეზერაშვილის საკუთრებაში არსებული ტელეკომპანია „ფორმულას“ წილები არხის დამფუძნებლებზე გადანაწილდა.

მიმდინარე წლის 5 მარტს გაფორმებული ხელშეკრულების თანახმად, რომლის ასახვა საჯარო რეესტრში დღეს მოხდა, არხის ერთ-ერთ დამფუძნებელს მიშა მშვილდაძეს დავით კეზერაშვილმა 26%-იანი წილი გადასცა, ხოლო არხის გენერალურ დირექტორს, ზურა გუმბარიძეს 12.25-12.25%-იანი წილი გადასცეს არხის დამფუძნებლებმა ირაკლი საღინაძემ და გიორგი ლიფონავამ.

ტელეკომპანია „ფორმულას“ წილები ახლა ასე ნაწილდება:

მიხეილ მშვილდაძე – 38.25%

ზურაბ გუმბარიძე – 32.25%

ირაკლი საღინაძე – 2.25%

გიორგი ლიფონავა – 2.25%

„თავისუფლების ფორმულა“ – 25%

ცნობისთვის, წილების გადაცემა სიმბოლურ ფასად, 1 ლარად მოხდა. ‘

ინფორმაციას cnews.ge ავრცელებს.