სურსათის ეროვნულმა სააგენტომ ქვემო ქართლში ყველის 4 არალეგალური საწარმო გამოავლინა
სურსათის ეროვნული სააგენტოს ქვემო ქართლის დეპარტამენტის ინსპექტორებმა რეგიონში ყველის წარმოების ოთხი არალეგალური საწარმო გამოავლინეს.
🔎 ერთ-ერთი შემთხვევა დაფიქსირდა ქ. რუსთავში, სადაც ინდმეწარმე რეგისტრაციისა და სავალდებულო აღიარების გარეშე საქმიანობდა. ობიექტზე გამოვლინდა სანიტარიულ-ჰიგიენური ნორმების დარღვევა და კრიტიკული შეუსაბამობები.
🔎 ასევე, გარდაბნის მუნიციპალიტეტში, სოფელ თელეთში, სააგენტოს სავალდებულო აღიარების გარეშე საქმიანობდნენ შპს „Cheese Line“ და ორი ინდმეწარმე, რომლებიც ნედლი რძის თერმულ გადამუშავებას ახორციელებდნენ.
⚖️ ყველა ბიზნესოპერატორი დაჯარიმდა და მათ საწარმოო პროცესი შეუჩერდათ.
ℹ️ სურსათის ეროვნული სააგენტო მოუწოდებს მეწარმეებს, საქმიანობის დაწყებამდე დროულად მიმართონ სააგენტოს სავალდებულო აღიარების მისაღებად, რაც სურსათის უვნებლობისა და მომხმარებელთა დაცვის აუცილებელი პირობაა.