სსიპ ახალგაზრდობის სააგენტოსა და ცენტრალურ საარჩევნო კომისიას (ცესკო) შორის თანამშრომლობის მემორანდუმი გაფორმდა
დოკუმენტს ხელი მოაწერეს სააგენტოს ხელმძღვანელის მოვალეობის შემსრულებელმა ვახტანგ ბააკაშვილმა და ცესკოს თავმჯდომარემ გიორგი კალანდარიშვილმა.
მემორანდუმის თანახმად, მხარეთა თანამშრომლობის მიზანია არსებული რესურსისა და კომპეტენციის ფარგლებში, ითანამშრომლონ და ხელი შეუწყონ დემოკრატიულ პროცესებში ახალგაზრდების აქტიურ მონაწილეობას.
მხარეები ერთობლივად შეუწყობენ ხელს აღნიშნულ საკითხებთან დაკავშირებით ახალგაზრდების ცნობიერების ამაღლებას, აგრეთვე – ერთობლივი ღონისძიებების, შეხვედრებისა და ტრენინგების ჩატარებას.
ახალგაზრდობის სააგენტო • Youth Agency
