სახელმწიფო უსაფრთხოების სამსახურმა უცხო ქვეყნის მოქალაქე დააკავა
საქართველოს სახელმწიფო უსაფრთხოების სამსახურის ინფორმაციით, კონტრდაზვერვის დეპარტამენტის თანამშრომლებმა ჩატარებული ოპერატიული და საგამოძიებო ღონისძიებების შედეგად უცხო ქვეყნის მოქალაქე დააკავეს.
👤 გამოძიებით დადგინდა, რომ ბრალდებული ყალბი ოფიციალური დოკუმენტის გამოყენებით ცდილობდა დიდი ოდენობით უძრავი ქონების დაუფლებას.
📄 კერძოდ, იგი სხვა ქვეყნის მოქალაქის ყალბი პასპორტის გამოყენებით, სანოტარო მოქმედების გზით, მესამე პირისთვის საქართველოში რეგისტრირებული უძრავი ქონების განკარგვის უფლების მინიჭებას ცდილობდა.
⚖️ გამოძიება მიმდინარეობს საქართველოს სისხლის სამართლის კოდექსის შესაბამისი მუხლებით, რაც 6-დან 9 წლამდე ვადით თავისუფლების აღკვეთას ითვალისწინებს.
🔎 უწყების განცხადებით, კონტრდაზვერვითი ღონისძიებები ინტენსიურ რეჟიმში გრძელდება, უცხო ქვეყნის სპეცსამსახურებთან დაკავშირებული პირების გამოვლენისა და მათ მიერ ჩადენილი დანაშაულების აღკვეთის მიზნით.