საქართველოს შსს-მ 26 უცხო ქვეყნის მოქალაქე საქართველოდან გააძევა
შინაგან საქმეთა სამინისტროს მიგრაციის დეპარტამენტის თანამშრომლებმა, სამინისტროს შესაბამის დანაყოფებთან მჭიდრო კოორდინაციით, უკანონო მიგრაციის წინააღმდეგ ბრძოლის ფარგლებში 26 უცხო ქვეყნის მოქალაქე საქართველოდან გააძევეს.
კომპლექსური ღონისძიებები ბოლო დღეების განმავლობაში ჩატარდა, რის შედეგადაც ქვეყნიდან დეპორტირებულ იქნენ შემდეგი ქვეყნების მოქალაქეები: ინდოეთი, ირანი, თურქეთი, თურქმენეთი, ჩინეთი, კუბა, ნიგერია, ეგვიპტე, ლიბანი, კამერუნი და პაკისტანი – სულ 26 ადამიანი.
მოქმედი კანონმდებლობის შესაბამისად, გაძევებულ პირებს საქართველოში შემოსვლის აკრძალვა დაუწესდათ.
შინაგან საქმეთა სამინისტროს მიგრაციის დეპარტამენტი პასუხისმგებელია ქვეყნის შიგნით უკანონო მიგრაციის გამოვლენასა და მასთან ბრძოლაზე. მისი ერთ-ერთი მთავარი ფუნქციაა საქართველოში სამართლებრივი საფუძვლის გარეშე მყოფი უცხო ქვეყნის მოქალაქეების იდენტიფიცირება და მათი გამწესებული წესით გაძევება.