საქართველოს პრეზიდენტმა, მიხეილ ყაველაშვილმა „ელჩების კონფერენცია 2025“-ზე განაცხადა, რომ ჩვენი საგარეო პოლიტიკური ვექტორი უალტერნატივოა
პრეზიდენტი ქართველ დიპლომატებს მოუწოდებს, არ დაიშურონ ძალისხმევა სავაჭრო-სატრანზიტო კავშირების გასავითარებლად. მისი თქმით, საქართველო სამხრეთ კავკასიის მთავარი რეგიონული ჰაბის როლს აძლიერებს და ხელს უწყობს აზიის, ევროპისა და ახლო აღმოსავლეთის ეკონომიკურ და მშვიდობიან ინტეგრაციას.
„საქართველო არა მხოლოდ შუა დერეფნის ერთ-ერთი მთავარი კვანძია, არამედ უნიკალური ცივილიზაციური დიალოგის სივრცეა, სადაც საუკუნეების განმავლობაში სხვადასხვა კულტურები მშვიდობიანად თანაარსებობდნენ“, – აღნიშნა პრეზიდენტმა.