საქართველოს პრეზიდენტი მიხეილ ყაველაშვილი თავდაცვის ძალების აღმოსავლეთის სარდლობის მე-4 ქვეით და მე-5 საარტილერიო ბრიგადებს ესტუმრა
საქართველოს პრეზიდენტი მიხეილ ყაველაშვილი თავდაცვის ძალების აღმოსავლეთის სარდლობის მე-4 ქვეით და მე-5 საარტილერიო ბრიგადებს ესტუმრა. სამხედრო ქვედანაყოფებში თავდაცვის ძალების უმაღლეს მთავარსარდალს ვიცე-პრემიერმა, თავდაცვის მინისტრმა ირაკლი ჩიქოვანმა, თავდაცვის ძალების მეთაურმა, გენერალ-მაიორმა გიორგი მათიაშვილმა და უწყების სხვა ხელმძღვანელმა პირებმა უმასპინძლეს.
ქვედანაყოფებში სტუმრად მყოფი პრეზიდენტი გაესაუბრა სამხედრო მოსამსახურეებს და მათ საცხოვრებელ, ასევე სამუშაო პირობებს გაეცნო.
მე-4 ქვეითი ბრიგადის წარმომადგენლებმა პრეზიდენტს ქვედანაყოფის ისტორიის, ამოცანებისა და მიზნების შესახებ პრეზენტაცია წარუდგინეს.
მიხეილ ყაველაშვილმა ყაზარმების, სპორტდარბაზის, სიმულაციური კლასების და ლაზარეთის დათვალიერების შემდეგ, სტუმრების წიგნში ჩანაწერი დატოვა.
მოგვიანებით, მან მე-5 საარტილერიო ბრიგადა მოინახულა და მის ინფრასტრუქტურასაც გაეცნო.
საქართველოს თავდაცვის სამინისტრო / Ministry of Defence of Georgia