საქართველოს პარლამენტი უმაღლესი განათლების რეფორმის განხილვას იწყებს

დღეს პარლამენტის განათლების კომიტეტი იწყებს მასშტაბური საკანონმდებლო ცვლილებების განხილვას, რომელიც 2026 წლიდან უმაღლესი განათლების სისტემაში მნიშვნელოვან ახალ წესებს აწესებს.

📌 რეფორმის ძირითადი მიმართულებები:

• საგრანტო მოდელი უქმდება: სახელმწიფო უნივერსიტეტებში ჩარიცხულ სტუდენტებს სწავლის საფასურს სრულად დაფინანსებს სახელმწიფო.
• კერძო უნივერსიტეტებისთვის დაფინანსება არ გაიცემა.
• უკვე ჩარიცხულ სტუდენტებს ცვლილებები არ ეხებათ.
• სწავლება გადადის 3+1+1 მოდელზე:
  • ბაკალავრიატი – 3 წელი (გამონაკლისია მარეგულირებელი პროფესიები, მაგალითად, მედიცინა).
  • მაგისტრატურა – 1 წელი.

მარიამ ლაშხის განცხადებით, რეფორმა არსებითად ზრდის განათლების ხელმისაწვდომობას:
„სახელმწიფო უნივერსიტეტებში სწავლა უფასო ხდება, რაც ყველას აძლევს შესაძლებლობას მიიღოს მაღალი ხარისხის განათლება,“ – აღნიშნა კომიტეტის თავმჯდომარემ.