საქართველოს კადეტ ძიუდოისტთა ნაკრებმა თბილისის ევროპის თასზე 15 მედალი მოიპოვა

თბილისში კადეტთა ევროპის თასი გაიმართა. საქართველოს ძიუდოისტთა ნაკრებმა ტურნირზე ასპარეზობა სულ 15 მედლით დაასრულა. ქართველმა სპორტსმენებმა ოთხი ოქრო, ოთხი ვერცხლი და შვიდი ბრინჯაოს მედალი მოიპოვეს.

ჩემპიონობა იზეიმეს თინათინ გულბანმა (- 57 კგ), ცოტნე იჩქიტიძემ (- 60 კგ), ქეთი რობაქიძემ (- 70 კგ) და იოანე აბალაკმა (+90 კგ). ვიცე-ჩემპიონები საბა ბოლქვაძე (-50 კგ), ნანა გულბიანი (- 63 კგ), ლუკა ქუთათელაძე (- 73კგ) და საბა ფრუიძე (- 90 კგ) გახდნენ. ბრინჯაოს მედლები კი მარიამ გულიაშვილმა (-52 კგ), ბაჩო გიგანმა (-66 კგ), ზურაბ გოგაძემ (-66 კგ), ნინი ძაგანიამ (-70 კგ), გიორგი კოღუაშვილმა (-90 კგ), გიორგი ქაშიბაძემ (+90კგ) და ილია ზაქუტაშვილმა (+90 კგ) მოიპოვეს.

ტურნირი თბილისის არენაზე საქართველოს სპორტის სამინისტროს მხარდაჭერით გაიმართა.