სარფისა და კირნათის მონაკვეთებზე საზღვრის უკანონოდ გადმოკვეთისთვის 4 უცხოელი დააკავეს
შინაგან საქმეთა სამინისტროს სასაზღვრო პოლიციის ინფორმაციით, ბათუმის სამმართველოს სასაზღვრო სექტორ „სარფსა“ და „კირნათზე“ ჩატარებული ოპერატიულ-სამძებრო ღონისძიებების შედეგად, საქართველოს სახელმწიფო საზღვრის უკანონოდ გადმოკვეთისთვის უცხო ქვეყნის 4 მოქალაქე დააკავეს:
- 1988 წელს დაბადებული ა.ი.
- 1999 წელს დაბადებული ი.თ.
- 2003 წელს დაბადებული თ.ი.
- 1999 წელს დაბადებული მ.ჯ.
🔹 გამოძიებით დადგინდა, რომ ბრალდებულებმა ა.ი. და ი.თ. საქართველოს საზღვარი სატვირთო ავტომანქანაში დამალვით, ხოლო თ.ი. და მ.ჯ. – სასაზღვრო-გამტარი პუნქტის გვერდის ავლით გადმოკვეთეს.
⚖ გამოძიება საქართველოს სისხლის სამართლის კოდექსის 344-ე მუხლის პირველი ნაწილით მიმდინარეობს, რაც 5 წლამდე ვადით თავისუფლების აღკვეთას ითვალისწინებს.